Select Page
Read Introduction to Philippians Telugu

 

“క్రీస్తుయేసుయొక్క దయారసమునుబట్టి, మీ అందరిమీద నేనెంత అపేక్ష కలిగియున్నానో దేవుడే నాకు సాక్షి.”

 

“దేవుడే నాకు సాక్షి”

ఈ పదబంధంలో క్రియా పదం లేదు, మరియు “దేవుడు” అనే పదం చాలా దృఢమైనది. దేవునికి అన్ని వాస్తవాలు తెలుసు. పౌలు ఆలోచిస్తున్నదంతా దేవునికి తెలుసు. నేను చేయబోయే ప్రకటన నిజమో కాదో ఆయనకు తెలుసు. ఇది తీవ్రమైన భాష. పౌలు తీవ్రమైన పట్టుదల కలిగిన వ్యక్తి. “దేవుడు నా సాక్షి” అనే మాట “నేను నిజం చెబుతున్నానని దేవునికి తెలుసు” అని చెప్పడం లాంటిదే. పౌలు తన ఉపదేశాలలో ఈ భాషను చాలాసార్లు ఉపయోగించాడు. అపొస్తలుడు మాట్లాడుతున్నందున ఇది అవసరం లేదని మీరు అనుకుంటారు. కానీ అతను తీవ్రమైన చిత్తశుద్ధి గల వ్యక్తి, తాను అతిశయోక్తి కలిగియున్నాడని ఇతరులు అనుకుంటారేమోనని అతను భయపడ్డాడు.

పౌలు ఫిలిప్పీయులను తాను ఎంతగా ప్రేమిస్తున్నాడో చెబుతున్నాడు. ఇప్పుడు    ఉన్నట్లుగానే ఆ దినాలలో కూడా, మీరు వారిని ప్రేమిస్తున్నారని వ్యక్తులకు చెప్పడం మరియు దాని గురించి అవాస్తవికంగా ఉండడం సామాన్యముగా జరుగుతుండేది. చాలా మంది మధురమైన సామెతలు పలుకుతూ ఉంటారు. కొంతమంది ఇతర వ్యక్తులతో వ్యవహరించేటప్పుడు చిరునవ్వులు చిందిస్తుంటారు. తన ప్రేమ నటనాప్రాయమైన పై పూత అనే అభిప్రాయాన్ని కలిగియుండాలని పౌలు కోరుకోలేదు.

దేవునిని సాక్షిగా పెట్టగలిగినంతగా పౌలుకు తన హృదయం తనకు బాగా తెలుసు. అతను మోసం చేయలేదని అతనికి తెలుసు. తనకు తన సొంత హృదయం యొక్క స్వచ్ఛత  తెలుసు. మనలో ఎంతమంది అలా చెప్పగలం? స్వభావము మరియు మాటల యొక్క ప్రామాణికతకు మనలో ఎంతమంది దేవునిని సాక్షిగా ఉంచగలము?

“మీ అందరిమీద నేనెంత అపేక్ష కలిగియున్నానో”

“అపేక్ష కలిగియుండుట” అంటే హృదయపూర్వకముగా ఆశించుట. ఆప్యాయతకు ఇది బలమైన పదం. పౌలు ఇలా అన్నాడు, “నేను మిమ్ములను చూడటానికి ఎంతో ఆశిస్తున్నాను. నేను చెరశాలనుండి బయటపడి మిమ్మల్ని చూడటానికి రావాలని ఆశిస్తున్నాను. నేను విడుదలైనప్పుడు నేను వెళ్ళే మొదటి ప్రదేశాలలో మిమ్మల్ని చూడటానికి ఫిలిప్పీ ఒకటి. ” పౌలు చివరకు విడుదలయ్యాడు మరియు ఫిలిప్పీకి పర్యటన చేసాడు. తరువాత అతన్ని తిరిగి బంధించారు, చివరిసారి జైలులో ఉన్నప్పుడు 2 తిమోతి రాశారు. అతను 2 తిమోతి రాసినప్పుడు, అతను విడుదల పొందడు అని అతనికి తెలుసు.

“క్రీస్తుయేసుయొక్క దయారసమునుబట్టి”

“నేను మిమ్ములను ప్రేమిస్తున్నాను” అని పౌలు చెప్పే విధానం ఇది. “దయారసము ” అనే పదానికి అంతర్భాగాలు అని అర్ధం. రూపకముగా అది భావముల ఆసనం. పౌలు ఫిలిప్పీయుల పట్ల లోతైన భావనలను కలిగి ఉన్నాడు. వాస్తవానికి, యేసు స్వయంగా వారి పట్ల కలిగియున్న భావనలను అతను కూడా కలిగి ఉన్నాడు! యేసు వారిపై లోతైన అంతర్గత ప్రేమను కలిగి ఉన్నారని వారికి బాహాటముగా తెలుసు. ఇప్పుడు వారిపట్ల్ల తనకూ అదే ప్రేమ ఉందని వారు తెలుసుకోవాలని  పౌలు ఆశిస్తున్నాడు. అతను దానిని నిరూపించడానికి గంభీరమైన ప్రమాణం చేసినా ఆశ్చర్యపోనవసరం లేదు.

నియమము:

ఫిలిప్పీయుల పట్ల తనకున్న ప్రేమను ఖచ్చితంగా తెలియజేయాలనేది పౌలు కోరిక.

అన్వయము:

ఫిలిప్పీయుల కోసం తన హృదయాన్ని వెల్లడించాల్సిన అవసరం ఉందని పౌలు భావించాడు. మీ దగ్గరున్న వారిని మీరు ప్రేమిస్తున్నారని చెప్పడానికి మీకు అంకితభావం ఉందా? దీన్ని చేయడానికి మీరు ఎంతవరకు వెళతారు?

Share