Select Page
Read Introduction to James-Telugu

 

అందుచేత సమస్త కల్మషమును, విఱ్ఱవీగుచున్న దుష్టత్వమును మాని, లోపల నాటబడి మీ ఆత్మలను రక్షించుటకు శక్తిగల వాక్యమును సాత్వికముతో అంగీకరించుడి.౹

 

అందుచేత

 “అందుచేత” అను మాట 18 నుండి తీయబడిన సారాంశము. సత్యవాక్యము దేవునికుటుంబములోనికి జనింపజేసి, తన సృష్టిలో మనలను ప్రధమ ఫలముగా చేస్తుంది. మన ఆత్మలో అది ప్రారంభ దేవుని వాక్య విత్తనపు నాటు. ఈ వచనము మన ప్రారంభ రక్షణకు పైగా దేవుని వాక్యము ఏమి చేయగలదో ఈ వచనము చెబుతుంది. ఆత్మీయ జన్మము యొక్క విత్తనము నాటబడిన స్థితి నుండి క్రైస్తవులు ముందుకు కదలాలి.   

మాని

 “మానుట” అను మాట క్రొత్త నిభంధనలో పౌలు బట్టలు స్తెఫను పాదముల వద్ద పెట్టబడిన సందర్భములో (అపొ. కా. 7: 57-60) “అపవిత్రత” విషయములో, బుధ్ధిపూర్వకముగా మురికి బట్ట వలె తీసివేయాలి. “ మానివేయుట” అనగా తీసివేయుట అను భావన. 

నియమము:

పాపముతో నిర్ణయాత్మకముగా సమూలముగా వ్యవహరించాలి.

అన్వయము:

పాపముపైన విజయము పొందుటలో మొదటి సగభాగము ప్రక్కన్ పెట్టు నియమము, మరో సగము మన అనుభవానికి దేవుని నియమాలను అన్వయించుట.

రోమా 13:12 ఖచ్చితమైన పనిగా పాపమును వదలి వేయాలని చెబుతుంది:

రాత్రి చాల గడచి పగలు సమీపముగా ఉన్నది గనుక మనము అంధకారక్రియలను విసర్జించి, తేజస్సంబంధమైన యుద్ధోపకరణములు ధరించు కొందము. (రోమా 13:12)

ఎఫెస్సీ 4 మరియు కొలస్సీ 3 లో పౌలు పాపమును విడచుట మరియు నూతన పురుషుని ధరించుకొనుటను గూర్చి తెలుపుతున్నాడు.

కావునమునుపటి ప్రవర్తన విషయములోనైతే, మోసకరమైన దురాశవలన చెడిపోవు మీ ప్రాచీనస్వభావమును వదలుకొని మీ చిత్తవృత్తియందు నూతనపరచబడినవారై, నీతియు యథార్థమైన భక్తియుగలవారై, దేవుని పోలికగా సృష్టింప బడిన నవీనస్వభావమును ధరించుకొనవలెను. (ఎఫెసి 4:22-24)

ఇప్పుడైతే మీరు, కోపము, ఆగ్రహము, దుష్టత్వము, దూషణ, మీనోట బూతులు అను వీటినన్నిటిని విసర్జించుడి. ఒకనితో ఒకడు అబద్ధమాడకుడి; ఏలయనగా ప్రాచీనస్వభావమును దాని క్రియలతోకూడ మీరు పరిత్యజించి, జ్ఞానము కలుగు నిమిత్తము దానిని సృష్టించినవాని పోలికచొప్పున నూతన పరచబడుచున్న నవీనస్వభావమును ధరించుకొని యున్నారు. ఇట్టివారిలో గ్రీసుదేశస్థుడని యూదుడని భేదము లేదు; సున్నతి పొందుటయని సున్నతి పొందక పోవుటయని భేదము లేదు; పరదేశియని సిథియనుడని దాసుడని స్వతంత్రుడని లేదుగాని, క్రీస్తే సర్వమును అందరిలో ఉన్నవాడునై యున్నాడు. (కొలస్సీ 3:8-11)

మన క్రైస్తవ జీవితనికి ఆటంకము కలిగించే భారములను పక్కన పెట్టవలెననుటకు  హెబ్రీ పత్రికలో వాడబడి ఉన్నది:

ఇంత గొప్ప సాక్షి సమూహము మేఘమువలె మనలను ఆవరించియున్నందున మనము కూడ ప్రతిభారమును, సుళువుగా చిక్కులబెట్టు పాపమును విడిచిపెట్టి, విశ్వాసమునకు కర్తయు దానిని కొనసాగించువాడునైన యేసువైపు చూచుచు, మన యెదుట ఉంచబడిన పందెములో ఓపికతో పరుగెత్తుదము. ఆయన తనయెదుట ఉంచబడిన ఆనందముకొరకై అవమానమును నిర్లక్ష్యపెట్టి, సిలువను సహించి, దేవుని సింహాసనముయొక్క కుడి పార్శ్వమున ఆసీనుడైయున్నాడు. (హెబ్రీ 12:1,2)

కొన్ని పాపములతో వ్యవహరించుతలో “ప్రక్కన పెట్టుట”ను పేతురు వినియోగిస్తున్నాడు.

ప్రభువు దయాళుడని మీరు రుచిచూచియున్నయెడల, సమస్తమైన దుష్టత్వమును, సమస్తమైన కపటమును, వేషధారణను, అసూయను, సమస్త దూషణమాటలను మాని, క్రొత్తగా జన్మించిన శిశువులను పోలినవారై, నిర్మలమైన వాక్యమను పాలవలన రక్షణ విషయములో ఎదుగు నిమిత్తము, ఆ పాలను అపేక్షించుడి. (1పేతురు 2:1-3)

Share